omarBenomar
عضو ماسي
عدد الرسائل : 676
العمر : 44
تاريخ التسجيل : 04/05/2008
 | موضوع: نكت متنوعة 2  الخميس مايو 29, 2008 9:34 pm | |
|  قالك وحدة كانت تشاهد المسلسل وجات عند زوجها
قالت له يا محمد شفت القمر اشحال شباب قالها
راني نشوف مانيش اعمى.
قالك وحدة قالت لزوجها قولي كلمة حلوة
قالها بسبوسة
قالك واحد تعرف على وحدة اسمها زهرة
قالها واش اسمك قالتلو اسمي موجود
في كل حديقة
قالها أســــــــــــد في احد الايام ذهب جحا إلى بريطانيا (انجلترا) فركب في حافلة مؤلفة من طابقين فصعد الى الطابق الثاني وجلس قليلا ثم عاد الى الطابق الاول فقالوا له: مابك يا جحا؟ فقال لهم : في الأعلى مالهم سائق
خابط راح يحضر جنازة فسقسى واحد مهبول: "شو يخدم الميت يا خو؟" قاله المهبول: "يحفر قبور". رد الخابط :"سبحان الله اللي يحفر قبر لخوه يطيح فيه" واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما ندري, وزادو فاتو على مرأب للسيارات قال الطفل: وشي هذا يا بابا رد الأب: والله ما ندري وزادو فاتو على مسبح قال الإبن : وشي هذا يا بابا قال الأب: والله ما ندري. نطقت الأم وقالت: اسكت يا بني راك قلقت باباك. قال الأب: لا اتركي ابنك يسقسي باه يتعلم وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟؟ مشحاح طاحت دراهمه من التاقة. كي نزل ما لقاهاش. علاه؟؟؟؟ لأنه وصل قبلها. معلم سأل طالب: السروال مفرد و لا مثني يا طفل. رد الطالب: "مفرد من فوق و مثني من تحت" وحد العجوزة دخلوها تقرا في محو الأمية
المعلمة كانت تقري فيهم. ...دخل عمر الى القسم
و خرج عمر من القسم
لعشيا سقساها وليدها: يما واش قريتو اليوم
قاتلو يا وليدي عمر هذاك خلانا نقراو
نهار كامل وهو داخل خارج
واحد كان يتفرج في وحد الفيلم تع الماريكان
كي خلاص الفيلم بدات تطلع الكتيبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل
قالك واحد زاد عندو ولد فيه شعرة واحدة في رأسه سماه محيرقة
مرة أستاد قال للتلميد: اعطيلي 3 حيوانات زاحفة قالو: حنش ، حلزون ، خويا الصغير
تشاجر زوجان فقالت الزوجة فى غضب والله لو تزوجت ابليس لكان ارحم منك فقال لها حرام ان يتزوج الاخ اخته
واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة
طيران
 | |
|
annabia23
عضو برونزي
عدد الرسائل : 174
تاريخ التسجيل : 05/04/2008
| | موضوع: رد: نكت متنوعة 2 الخميس مايو 29, 2008 11:03 pm | |
| | |
|
omarBenomar
عضو ماسي
عدد الرسائل : 676
العمر : 44
تاريخ التسجيل : 04/05/2008
| | موضوع: رد: نكت متنوعة 2 الجمعة مايو 30, 2008 12:25 pm | |
| مشكورة على الرد أختي annabia23 يعطيك العافية ودوام الصحة وانشاء الله ماتفارقك الإبتسامة الحلوة | |
|
